Administrazio kontseiluen bildumak
2020
MAITZA
UZTAILA
AGORRILA
MAITZA
Egun on, Horra atzo landu ditugu gaiak. Pentsatzen ahal duzuen bezala gai batek luze ta zabal aipatua izan da. Maiatzeko sartea: Lehenik, andereñoek ohartarazi digute haurrak izigarri kontent zirela berriz ikastolara etortzea. Eskertu nahi ditugu ikastolarat eraman dituzten guraso guziak andereñoak ohartu baitira biziki ongi prestatuak eta informatuak zirela.Bestalde, landua izan zen antolaketa bereziak erakutsi du arrunt egokia zela holako haur kopuruekin (9 haur 2 egunez eta 15 beste bi egunetan). Andereñoen mailan ikusi duzuen bezala, egokitzapen ttiki batzuk eginen dira ondoko astetik goiti (ordu aldaketa, izen emaite). Berriz oroitarazi nahi dizuegu osasun arloko eta erakasleen haurrek, etxean euskara entzuten ez duten haurrek eta zailtasunetan diren haurrek lehentasuna dutela ikastolara etortzeko. Ezpata lore eta iguzki loreentzat, momentukotz ez ditugu oino ikastolan onartuko (salbu lehentasuna dutenak) eta aldaketaren berri jakin bezain laster abisatuko zaituztegu. Berriz oroitarazi nahi dizuegu ere, momentu zail hauetan gure elkartasuna erakutsi nahi diegula egoera ekonomiko zaila jasaten duten famili guzieri. Hortako, kotizazioak geldiaraztea beti posible da. Ulertzen ahal dugu hautu horren egitea zaila zaizuela baina jakizue hautu horrek zuen familia eta bulegoaren artean egonen dela eta diskrezio osoz arituko girela. Ate idekitzeak: Aurten, usaiako ate idekitzeak ezeztatuak izan ziren. Hala ere inportanta iduritzen zaigu Irailean sartuko diren haurrek lehen ezagutza bat egin dezaten gure ikastolarekin. Hortako, pentsatu dugu egun bat antolatzea Uztail hastapenean. Ekipa pedagokikoa harreman sartuko da guraso berri guziekin. Herri urrats: Seaskako Maiatzeko hitzordu nagusia ere bertan behera gelditu zen. Jakin berri dugu herri urrats Irailaren 20an ospatuko dugula! Data atxik! Herri urratsek galdegiten digu txartelen sosa itzuli ez dutenentzat uda aitzin egin behar dutela txeke bat eginez Arrokagarai ikastolaren izenean. Zozketa Iraila hastapenean iraganen da. Tanta: Euskal Herri osoko ikastolen artean, ekimen berri bat martxan ezarria izan da: TANTA. Zazpi probintzietako ikastoletan da salgai 5€tan. Sari bakar bat iaznen da irabazteko: 60000€!! Iparraldeko ikastoletan, salduko diren txartela Integrazio batzordea laguntzeko izanen dira. Itsasuko ikastolak erabaki du 3 txartelen hartzea familiaka eta zuen kazierretan atxemanen dituzue eskuratuko ditugularik. Bestalde erabaki dugu ere 5€ak, osoki integrazio batzordeari luztuko ginizkiola. Izan untsa!
UZTAILA
Egun on deneri !! Uztailaren 9an AK-ko bilkuran aipatu ditugun gaiak :
Lehenik ikastolako eraskasle eta langileek eskertzen gaituzte, eguberriz eskaini bazkariarentzat Haraneko Bordan, uztailaren 3an izan dira eta biziki untsa jan dute.
Obrak: uda huntan 3 komuna eginak izanen dira kanpoan. Bide bazterreko murrua egina izan behar zen ere bainan "Bâtiment de France"k errefusatu du gure galdea, berriz galdera berri bat pausatu behar da, planoak aldatuz.
Herriko Etxea: Paxkalin, Quentin eta Maider gure ikastolako ordezkariak, elkartu dira hautetsi berriekin helduden sartzea aipatzeko kantina eta haurtzaindegiaren antolaketa Covid-19 egoera berezi huntan. Mementoan sartzeko protokoloaren informaziorik ez dugu. Jakinean atxikitzen zaituztegu berriak ukanen ditigularik.
Herri Urrats: Irailaren 20ean iraganen da!!! Ez duzue oino denek sosa ekarri zozketaren txartelentzat! Milesker faltarik gabe txekea ekartzea ikastolako gutun kutxan lehen bai lehen Ixabel gure diruzaina abisatuz mezu baten bidez 06 72 55 19 96.
Tanta: zozketak ekainaren 25ean izan behar zuen bainan egoera berezi horrekin urriaren 21era atzeratua izan da. Ainitzek ez dute dirua ekarri ikastolara tanta txartela horientzat, orroitu diru hori integrazio batzordeari emaitea erabaki ginuela. Beraz otoi lehen bai lehen txekea ekar zazue gutun kutxara Ixabel abisatuz.
Integrazio Batzordea: aurten brik a brak irailaren 6an izanen da. Bezperan errekuperatuak izanen dira, jauntzi, jostailu, muble eta abar (puska garbiak ekarri behar dira). Mementoa da ganer huste bat egitea etxe guzietan. Bixkotx baten egitea usaian bezala galdegina izanen zauzue. Bestalde leku bat xerkatzen dugu puska guzien atxikitzeko urtean zehar. 10m² ko gela batekin aski ginuke. Gogoeta bat abiatu dugu ere haur bakotxaren zailtasunak kondutan hartzeko (adibidez materiala egokiaren erostea...).
Salmenta: Herriko boza egunean. Eskertzen ditugu Evelyne eta Benat salmenta hori egitea proposaturik. 30 arroltze ta xingar platera salduak izan dira eta 300 talo. Arrakasta haundi bat ukan dugu. Arratsaldeko 4etan ez zen kasik gehiago deus gelditzen. Lacouade harategiak eman patearekin eta Olivier eta Anuskak ekarri meloinekin egin ditugu platera gehiago saltzeko. Eskertzen ditugu. Milesker, buraso guzieri zuen parte hartzearentzat. 800€ ikastolarentzat.
Ate idekitzeak: famili berri guziak etorri dira +2 ez pentsatuak ondoko martxoan sartuko direnak. Orotarat 13 ikasle.helduden ikastuteko.
Ikastolen kontseilua: Norabide txoztena eta budjetak bozkatuak izan dira. Seaskako bulegoan jendea eskas da. 7 pertsona behar dira « Quorum » delakoa ukaiteko (erabakirik ez da bozkatzen ahal !) eta momentukotz 5 dira bakarrik. Denak gizonak.... Aurkeztu zuen buruak !!
Sartzeko aperitifa: irailaren 11an ostiral aratsean izanen da. Urtero ohartzen gira biltzar nagusian buraso berriek ez dakitela zoin diren ikastolako batzordeak eta zer den bakotxaren helburua. Pentsatzen dugu prensentatuko dizkiegula egun hortan.
Proeiktu deialdia: irailean berriz hasiko gira.
Ikastolako 10 urteak: bazkari bat izanen da burrasoekin larrazkenean, eta kontzertuak udaberrian.
Anartean, bakantza on deneri eta sartzea arte.
AGORRILA
Egun on,
Atzo bideo konferentzia bidezko lehendakarien arteko bilkura iragan da puntu zonbaitzu aipatzeko baina sustut sartzeari buruzko pundu bat egiteko. Horra bilduma bat:
-Asteart goizean 10etan, mobilizazio bat antolatua izanen da Hiriburuko eskola publikoaren aitzinean imersio gela baten idekitzearen kontra agertu baita Bordaleko errektorra. Ez baduzue jadanik izenpetu, hor duzue lotura: http://chng.it/xrSrkmGf4T . Lehen aldikotz euskarazko erakaskuntza proposatzen duten eragile guziak hor izanen dira (Seaska, Ikas-bi, Euskal haziak, Biga bai).
-Dakizuen bezala, herri urrats ezeztatua izan da. Aldiz, zozketa eginen da irailaren 21an euskal irratietan. Tanta ekimenaren zozketa Urriaren 23an iraganen da.
-Sartzea:
Sartzetik goiti, eskolatzea behartua da haur guzientzat. Ez dute gehiago gurasoek erabakitzen beren haurra eskolatzen duten ala ez. Ber denboran talde pedagokiko (erakasle + laguntzaile)osoa hor izanen da ere.
-Protokoloa:
Galdegina da guraso guzieri bere haurraren/haurren tenperatura hartzea goiz guziz. 38°C baino gehiago baldin badu, etxean egon beharko da.
Gurasoeri galdegina da, ahal den heinean, ahal bezain gutti ikastolako eremuan sartzea. Sartzen bagira, maskatuak izan beharko gira eta eskuak garbiturik.
Haurrek, beren eguna hasiko dute esku garbitze batekin.
Talde pedagogikoa denbora guzian eta edo zoin tokitan maskatua egon beharko da.
Distantziaren aldetik, ahal bezain handia atxiki behar da eremua ahalbidetzen duelarik.
Taldeen nahasketak baimenduak dira baina saihestu behar dira ahal bezain bat (eremuaren arabera ere)
Egun guziz, aldi bat egunean, leku guziak eta hunkituak izan diren gauza guziak garbituak eta desinfektatuak izanen dira.
-Kasu bat agertzen bada:
Haur bat positibo ateratzen bada bere etxean egon beharko da. Ez du ez gurasoen elkarteak, ez Herriko etxeak ez eta zuzendariak ikastola hesteko erabakia hartzen ahalko. Azken erabaki hori prefetak bakarrik hartzen ahal du.
ARSek harremanetan sartu beharko gira eta horiek dute erabakitzen nor diren “cas contacts”, zoin ikasle, erakasle, laguntzaile baztertu behar diren edo ez. Guk ez dugu deus erabakitzen ahalko.
Arrangura baldin bagira, gure baitatik tezta egiten ahal dugu.
Sustut, lasai egon eta itxoin gomendioak.
-Aipatu genizuen bezala, Seaskako batzorde eragilean 4 guraso falta dira. 4 guraso horiek gabe quorumarik ez da. Zehazkiago, erran nahi du erabakarik ez dutela hartzen ahal (egoitzak ezin du baimenik ukan lanak hasteko, lan postu gehiagorik ez da bozkatzen ahal,…).
Hortarako aurkezpen bilkurak antolatuak izanen dira irailaren 16 inguru eskualdeka Ikastolen kontseiluko eta lehendakari guzien artean. Momentukotz bakarrik gizonez osatua da eta eskualde guziak ez dira ordezkatuak. Horren orekatzea izanen da helburua. Irailaren 30an kide berrien onartzeko bilkura berezi bat antolatua izanen da. Data hori izanen da azken epea!! Motibatu!!